Gweithredu’r Cynllun
Mae cynllun Ysgolion Iach Gwynedd wedi ei rannu i dri cham. Disgwylir i ysgolion gyflawni gwaith yn gysylltiedig â’r cynllun mewn oddeutu 3 blynedd. Pwysleisir nad oes amser penodedig ar gyfer cyflawni’r gwaith ond efallai y bydd goblygiadau cefnogaeth ac ariannu os yw’r ysgol yn cymryd mwy o amser na ddisgwylir.
Cyfathrebu Effeithiol
Mae arfer da ymysg Ysgolion Iach wedi dangos fod cyfathrebu’n effeithiol yn allweddol i lwyddiant y cynllun. Canlyniad hyn yw bod pob aelod o gymuned yr ysgol yn ymwybodol o’r cynlluniau a’r datblygiadau o fewn y cynllun ac yn cael y cyfle i gynnig mewnbwn, pan yn briodol. Disgwylir i bob ysgol felly sefydlu grŵp llywio/gweithgor er mwyn trafod y blaenoriaethau, datblygiadau a’r effaith ar yr ysgol gyfan. Gall y grŵp llywio/gweithgor gynnwys y Pennaeth, aelodau o’r Uwch Dîm Rheoli, cydlynydd y cynllun, llywodraethwr, rhiant, aelodau o’r cyngor ysgol, staff ategol/goruchwylwyr, nyrs ysgol neu unrhyw berson sydd â diddordeb mewn agweddau iechyd a diogelwch o fewn yr ysgol.
Awgrymir bod ysgolion yn dewis y pwyntiau sy’n cyd-fynd â'u themâu, rhaglen waith a blaenoriaethau Cynllun Datblygu Ysgol, yn y gobaith nad yw’r gwaith yn ychwanegol i’r hyn a gynlluniwyd yn barod.
Dylai pwynt un gael ei weithredu yng ngham un o’r cynllun er mwyn creu sylfaen gadarn ar gyfer sefydlu a chynnal y cynllun yn y tymor hir.
Er enghraifft gall ysgol fabwysiadu patrwm tebyg i’r isod:-
Blwyddyn |
Tymor 1 |
Tymor 2 |
Tymor 3 |
|
Cam 1 |
Pwynt 1 |
Pwynt 4 |
Pwynt 7 |
|
Cam 2 |
Pwynt 2 |
Pwynt 5 |
Pwynt 8 |
|
Cam 3 |
Pwynt 3 |
Pwynt 6 |
Pwynt 9 |
Pwynt 10 |
Disgwylir i bob ysgol gadw portffolio o dystiolaeth o’r holl weithgareddau a’i gyflwyno ar ddiwedd pob Cam ar gyfer asesiad allanol.
Yng Ngham 4, 5 a 6 disgwylir i ysgolion fod yn gweithio tuag at y Wobr Ansawdd Cenedlaethol Cynlluniau Ysgolion Iach Cymru drwy ddefnyddio'r ddogfen Dangosyddion ar gyfer Gwobr Ansawdd.
I weld Cyflwyniad powerpoint ar Gamau 4, 5 a 6 cliciwch yma
Dangosyddion ar gyfer Gwobr Ansawdd Cenedlaethol Cynlluniau Ysgolion Iach-Rhwydwaith Cymru (Cam 6) ........ cliciwch yma ar gyfer dogfen Word neu cliciwch yma ar gyfer dogfen pdf
Canllawiau Cyffredinol
Mae disgwyl i ysgolion:-
• Gyflwyno cynlluniau gweithredu ar gyfer pob pwynt a chasglu tystiolaeth i gefnogi’r targedau a ddewiswyd.
• Gyflwyno’r portffolio ar gyfer asesiad allanol.
• Derbyn ymweliad ysgol gan yr asesydd allanol.
Yn dilyn asesiad llwyddiannus gwobrwywir yr ysgol gyda phlac oddi wrth Llywodraeth Cynulliad Cymru.
Awgrymiadau ar sut i sefydlu Cynllun Ysgolion Iach ..... cliciwch yma |
